അമ്മ,
മൂന്ന് ഓട്ട വീഴ്ത്തി, വെള്ളം ചോര്ത്തി,
തെക്കൊട്ടെറിഞ്ഞ മന്കലം...
അച്ഛന്,
പെരുവിരലോളം പോന്ന
വലിയൊരു കടം...
വലിയൊരു കടം...
അനിയന്,
ഞാന് യാത്രയുടെ അപ്പുറമെങ്കില്,
നീ ഇപ്പുറം...
വീട്,
ഒഴിഞ്ഞു വെച്ച പഞ്ചസാര ഭരണി...
ഇന്നവിടെ
ഉറുമ്പുകള് തീവണ്ടിയോടിച്ചു
കളിക്കുകയാണ്....
ഞാന്,
മുറികുടം പൊട്ടിയൊലിച്,
ഇന്നും
ഉറക്കത്തെ കൊല്ലുകയാണ്...
ദക്ഷിണ നല്കാതെ എനിക്ക് പോകണം,
മഴ പെയ്യാത്ത നാട്ടിലേക്ക്..
